Մշակութային երեկո՝ նվիրված աշխարհահռչակ արտիստ Շառլ Ազնավուրի 100-ամյակին

11 դեկտեմբերի, 2024

2024թ. դեկտեմբերի 11-ին Հնդկաստանում ՀՀ դեսպանության, Ֆրանսիայի դեսպանության և Ալիանս Ֆրանսեզի (Alliance Française de Delhi) համագործակցությամբ Նյու Դելիում տեղի է ունեցել մշակութային երեկո՝ նվիրված աշխարհահռչակ արտիստ Շառլ Ազնավուրի 100-ամյակին:

Իր խոսքում դեսպան Վահագն Աֆյանն ընդգծել է ՀՀ ազգային հերոս Ազնավուրի 100-ամյակի ընդգրկման մասին ՅՈՒՆԵՍԿՕ-ի 2024-2025թթ. նշանավոր մարդկանց և կարևոր իրադարձությունների ցուցակում: Նշվել է, որ Հայաստանի և Ֆրանսիայի դիվանագիտական առաքելությունների համագործակցությամբ ողջ աշխարհում կազմակերպվում են նման միջոցառումներ՝ անդրադարձ կատարելով Շառլ Ազնավուրի անմոռանալի ժառանգությանը նվիրված ՀՀ դեսպանության կողմից ընթացիկ տարվա սեպտեմբերին Հնդկաստանում կազմակերպված համերգաշարին, ինչպես նաև նույն ցանկում ներառված մեկ այլ հայազգի մշակութային հեղինակավոր գործչի՝ Սերգեյ Փարաջանովի 100-ամյակի առթիվ ՀՀ դեսպանության կողմից այս տարվա ապրիլին կազմակերպված միջոցառմանը։

Հնդկաստանում Ֆրանսիայի դեսպան Թիերի Մաթուն իր հերթին ևս անդրադարձել է ֆրանսահայ լեգենդի 100-ամյակին նվիրված հարգանքի տուրքին և նրա համաշխարհային ժառանգությանը:

Միջոցառման ընթացքում կայացել է երգի մրցույթ, որին հաջորդել են ֆրանսիացի և հնդիկ արտիստների երաժշտական կատարումները։ Երեկոյի ելույթները ջերմությամբ ողջունվել են հանդիսատեսի կողմից։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր